2019年釣魚開局不順，月初因感冒痛失一次釣魚機會，已成個月冇得去釣魚，病上加病！ 今日終於可以掹車邊去釣魚，諗住有機會試新竿，爲新竿開光，點知301HG一開波冇耐突然失靈，冇得玩竿攪！
好彩每次釣行必備手排做後備，改用4號繩手排，波子壓底單鈎，點知由朝早到下午3點幾一直打龜，冇流魚唔就餌，全艇釣友中魚少，自己連魚毛都冇條，以為今次龜硬，創造PW（personal worst），好彩3點半左右先開齋，連續中3口白立，上2甩1。第一口條白立2斤左右，好好玩，今日的大魚獎 ，真係好好彩:-D
呢次又係衰家又食尾糊 :-D 全靠艇家叻叻先有魚夠分釣友，人人有一條白立及黃腳。